Gïelebiesie Raarvikhkesne

Gïeleaernie jïh Gïelem Nastedh datnem gïelebeasan Raarvihkesne böörijægan

Gïelebiesie- sjædtoej bïjre Ruffien 18.b 2014 Raarvihkesne Ts: 09.00

Noerhte- Trøndelaagesne jïjnjh sjædtoeh gååvnese mah saemieh guhkiem daalhkesinie jïh beapmosne provhkeme. Akte ålma mij jïjnjem daan bïjre maahta lea Ingvald Jåma Fosenistie. Dïhte edtja kuvsjeåejvie årrodh jïh edtja mijjine vaedtsedh vuesiehtidh jïh bïhkedidh magkeres sjædtoeh maehtebe beapmosne jïh daalhkesinie nuhtjedh. Sïjhth dåeriedidh lïeredh, dle nuepiem daelie åtnah! Bïeljelh!

Maaksa 300 kr, jïh dellie niestiesbeapmoem, prïhtjegem jïh gaskebiejjiem ruffien 18 b åadtjoeh. Bindende påmelding

Gåetieluhpien åvteste ruffien 18-19 raajan, maaksa 400 kr, jïh dle aeredsbeapmoe lissine båata.

Jis sïjhth hahtjoem leejjedh, vuartesjh daam bieliem: www.borgefjellsenteret.no

Ulmiedåehkie: Gaajhkesidie mah ïedtjh utnieh.

Gïelebiesie saemiengïelesne jïh saemien mentovrh aaj utnebe mah dijjine saemiestieh.

Minngemes biejjien sijjiem dangkodh lea ruffien13 b. 2014.

Jis sïjhth dåeriedidh, bïeljelh dellie : Gïelem Nastedh, Britt Sparrock. Tel: 948 44 401 jallh e-påaste: [email protected].kommune.no jallh Gieleaerniem, Tove Mette Jåma Wigdahl. Tel: 480 28 157, e-påaste: [email protected]

Maeksieh: Kontonr: 4476.06. 00129. Mïerhkesjh nommine jïh Gieliebiesie- Raarvihke.

Man gallesh: Jïjnjemessh 30.

Annjebodts programme ruffien 18.b 2014

Ts.09:00 Raarvihken siebriedahkegåetesne tjåanghkenibie, desnie bïevnesh åadtjode jïh prïhtjegem gåassoejidie.

Ts. 10:00-15:00 olkese vaadtsajibie. Niestiesbeapmoem åadtjode maam voesside tsagkede.

Ts. 15:30-18:00 Gaskebiejjie- Bearkoekrovhte, Raarvihken siebriedahkegåetesne.

Daan mænngan lustestallebe!

Daerpies bïevnesh
Maam tjoerede meatan vaeltedh:
– Bæjngolds-vaarjoeh
– Voessetjem
– Nejpiem
– Kåahpem

Dïhte mij gåetieluhpiem dongkeme, tjuara åeremesvaarjoeh jïh njaamelijniem meatan vaeltedh.

Mijjieh håhkesjibie jïjnjesh sijhtieh båetedh, jïh skodtedidie mijjese bïeljelidh.

Biejjien mænngan dle jåårhkebe Raarvihken tjïelten Jovnesåhkoeseminaarine mij fïerhten jaepien hööltesåvva. Daan jaapetjen aamhtese lea saemien beapmoeh. Vuartesjh sjïere programmem jïh fulkh Gieleaerniem Facebookesne.

Lohkh PDF: Sprakbad 2014